Tampo ni: Dakilang Guro

Kagubot sa kinabuhi;
Kadaghang kasakit,
Malipay ta sa makadiyot,
Kagul-anan usab nagpaabot.

Kadaghang gihunahuna;
Kabalaka niabot,
Sa kinabuhing way nahut,
Paglaom hugtan aron pangandoy makab-ot.

Kadaghang pagsulay;
Nga pilit giatubang,
Sa mga problemang gahagdan,
Kini sa gihapon may kasulbaran.

Para sa mga bumabasa nga kasamtangang anaa sa panagbulag, o pagpuyo isip solo nga nagpadako sa ilang mga anak o di ba hinoon anaa sa laing relasyon uban ang mga anak sa unang nahimong karelasyon, kini nga sinulat para kaninyo. Ako sayod nga duna kamoy mga pangutana sa inyong tagsa-tagsa ka mga huna-huna. Tingali makapangutana kamo, unsaon nako nga inusarang mamahimong inahan ug amahan sa akong mga anak? Unsay akong pangayoon sa akong mga anak isip ilang tampo niining maong krisis nga among giatubang karon? Kini nga arktikulo para nianang tanan ug tumong ug tuyo niini mao ang paghatag ninyo ug sa inyong kinatibuk-ang banay ug paglaom luyo sa panagbulag.

Kung ikaw ana solo nga nagpadako sa imong mga anak o nalambigit na sa laing relasyon human nahitabo ang panagbulag sa naunang karelasyon, angay nimo nga mahibaw-an nga ang kinabuhi sa imong mga anak nilabang na sa kusog nga pagtay-og tay-og. Mibati na sila ug kahadlok ug nakaagi na sa trawma nga dala sa nahitabong panagbulag. Kini nga kahadlok posibleng madala nila sa muabot nga mga takna ug adlaw sa ilang pagdako. Padayon sa Pagbasa….

Gisulat ni: Guadalupe Galanida-Dizon (Akoang lola)
Gipahinungod sa: Mga babaye nga taga Socorro, Surigao del Norte (Socorronhon)

Oh babayeng Socorronhon nganong maanyag ka

Ang tanan nimong mga katawa daw tingog

Sa dalugdog nga mukulikot sa akong galamhan

Ang imong mga mata daw mutya sa dagat

Ug bisan pa puno sa kahapo ang imong mga adlaw

Ang katahom mo sa gihapon tunhayng magpatigbabaw.

O babayeng Socorronhon tinood nga garbo ka

Sa lahing Siargaonon tinood nga pinalahi ka

Rason nga sa mga langyaw ikaw gihugopan

Tinood boot ang gusto nila nga ikaw maangkon

Tungod sa kaligdong, kabootan ug kamapahiyomon

Diin nahimong nahibagay diha sa imong katahom.

 
Padayon sa Pagbasa….

Sa imong paglawig sa kinabuhi dunay mga panahon

Diin kinahanglan nimo nga muhimo ug mga desisyon

Diin lisod ang pilianan, ug nihit ang mga solusyon

Musungog pa gani ang ulan ug pati pa ikaw pagabas-on.

Dunay mga sitwasyon nga ang imong mahimo nalang

Mao ang pagbuhi ug nga sa pagbaklay magpadayon

Mangapa kag kaisog ug mupili ka ug usa kadireksyon

Nga makalalin kanimo paingon sa bag-ong kaadlawon.

 
Padayon sa Pagbasa….

Ang kinabuhi puno sa mga surpresa. Usahay makahimo tag mga desisyon nga sayon lamang sa atong tan-aw, desisyon nga makalipay ug makakontento kanato, o makapabati nato ug kaluya ug mupuno nato sa pagbasol. Subo nga palangdungon nga wala nato nahuna-huna kung ngano man gyud nga dalion man nato ang pagdesisyon. Ngano gusto man natong dalion ang tanan? Ngano musulay man ta pag bitad sa matag takna? Nganong gusto man nato nga mahitabo kini diha diha dayon? Wala ba diay oras para sa kamugnaan sa tanang butang?

Ang kinabuhi nagkinahanglag hataas nga pasensya apan nangayo usab kini ug kakugi. Atong gihuna-huna nga dili maayo ug dili na mao ang mga panghitabo sa atong kinabuhi. Makahusga ug makakomentaryo kita nga ang atong kinabuhi miserabli na ug angay nga di na ipadayon. Permi lang kita magpasug-o nga ipaabot na ang tanan sunod sa atong gustong mahitabo. Apan ato naba kahang napangutana sa atong kaugalingon kung ato naba kining gihinuktukan pag-ayo ug ato nabang gilantaw ang mga mamahimong sangpotanan sa atong mga himoong desisyon? Padayon sa Pagbasa….